المرشح يخاطب الناخب

كتاب الزعني

قصائد نثرية شعرية عن الانتخابات كتبها عمر الزعني (1898 – 1961) شاعر شعبي من بيروت في أيار 1951، وما أشبه اليوم بالأمس!

تعيد "الشهرية" نشر مقتطفات من شعر الزعني التي كتبها عن الانتخابات...

...

أول بند من الأربعين

بخلي السما تشتي طحين

والأرض تنبع بنزين

بلا رسوم وضرايب

بس انتخبوني نايب

***

وبزرع قطن وبزرع صوف

بأرض المتن وأرض الشوف

ما بتصدق؟ بكرا بتشوف

وتفرج عالعجايب        

بس انتخبوني نايب

...

***

الأجانب عم تقر

والمعارضه عم تصر

والجرايد عم تقول

الانتخاب كان حر       

ورا الستارة والكواليس

ولو في ضغط من البوليس

كانوا قلعوا عين إبليس

وكان مرشح الرئيس

قبل الكل لازم يمر

***

الانتخاب كان نزيه

والعويني كان حاميه

عم بيقولوا كان فيه

في أموال بتغذيه

دود الخل منه وفيه

ودود الخل ما بيضر

...